Qazaqstan fýtbol federatsııasy ÝEFA-dan 750 myń eýro alady
ASTANA. QazAqparat - ÝEFA Ulttar lıgasyna qatysatyn 55 qaýymdastyqtyń yntymaqtastyq tólemi men bonýstyq tólemaqysyn kóbeıtedi, dep habarlaıdy «SPORTINFORM» SAA fýtbol uıymynyń resmı saıtyna silteme jasap.
Atalyp ótilgendeı, týrnırge qatysyp jatqan quramalardyń 55 qaýymdastyǵynyń tólemderi 50% artady. Sondaı-aq, A, B, C jáne D lıgalarynyń jeńimpazdaryna da syıaqy kóbeıedi. Birinshi oryn ıegerlerine bonýstyq júlde de 50% joǵarylaıdy.
Osylaısha, A lıgasynyń komandasy týrnırge qatysqany úshin € 2,25 mln, B lıgasynan - € 1,5 mln, S - € 1,125 mln, D - € 0,75 mln alady. Óz toptarynda jeńiske jetken komandalar lıgaǵa qatysqandary úshin de júldelerge ıe bolady. Qazaqstan fýtbol federatsııasynyń tabysy bizdiń quramamyz óz tobynda birinshi oryn alsa, eki esege artady.
2019 jyldyń maýsymynda Ulttar lıgasynyń aqtyq synynda oınaıtyn A lıgasynyń tórt tobyndaǵy jeńimpazdardyń da tólemder artady. Aqtyq synda tórtinshi oryn alǵan komanda € 2,5 mln, úshinshi oryn - € 3,5 mln, fınalǵa shyqqan komanda - € 4,5 mln, jeńimpaz - € 6 mln alady.Ulttar lıgasynyń jeńimpazy aqtyq synnan keıin € 10,5 mln syıaqyǵa ıe bolady.
Eske salaıyq, 13 qazanda Stanımır Stoılovtyń qamqorlyǵyndaǵylar Latvııa quramasymen oınaıdy. 3 kúnnen keıin óz alańynda Andorra komandasyn qabyldaıdy. Bul matchqa bıletterdi onlaın alýǵa bolady.
