Qazaqstan fýtbol federatsııasy Tórelik etý departamentiniń basshysy 10 aıda besinshi ret aýysty
ASTANA. QazAqparat - Qazaqstan fýtbol federatsııasyndaǵy (QFF) Tórelik etý jáne qadaǵalaý departamentiniń basshysy taǵy aýysty.
Bul - on aıǵa tolmaıtyn ýaqyt ishindegi besinshi basshy.
2016 jylǵy 11 naýryzda QFF saıty Italııa mamany Matteo Trefolonıdiń Tórelik etý jáne qadaǵalaý departamentiniń basshysy qyzmetinen ketkenin jarııalaǵan bolatyn.
Sebep - sheteldik maman óziniń otbasymen birge bolýdy jón kórgen. Ári Tórelik etý jáne qadaǵalaý departamenti dırektorynyń mindetin atqarýshy bolyp Edigen ıÝmashevtiń taǵaıyndalǵandyǵyn da málimdegen-di.
Kóp uzamaı, osy departament dırektorynyń orynbasary Aleksandr Mazmanıannyń qyzmetinen ketkendigi jarııalandy. Jarty aıdan keıin onyń ornyna ıÝrıı ıAryshevtiń taǵaıyndalǵany da baıandalǵan bolatyn.
Tup-týra úsh aıdan keıin Tórelik etý jáne qadaǵalaý departamentinde taǵy da basshy aýysty. Edigen ıÝmashevtiń ornyna Akmalhan Holmatov taǵaıyndaldy. Ekeýi de - ózimizdiń kópshilikke tanymal mamandarymyz.
Bul joly departament dırektorynyń aýysýyna «Sorokın daýy» áser etkendeı. Sebebi Edigen ıÝmashev Tártiptik-baqylaý komıteti otyrysynda QFF prezıdentiniń sheshimine qarsy shyqqandardyń biri bolǵan...
13 qazan kúni QFF Tórelik etý jáne qadaǵalaý departamentin ıÝrıı ıAryshev basqaratyndyǵy jarııalandy. Akmalhan Holmatov Bas maman qyzmetine aýystyrylyp, Edigen ıÝmashev dırektor orynbasary qyzmetine bekitildi.
Al jeltoqsan aıynyń úshinshi onkúndigi bastalǵan kezde Reseı mamany Nıkolaı Levnıkovtiń QFF Tórelik etý jáne qadaǵalaý departamentiniń dırektory bolatyndyǵy belgili boldy.
Muny reseılik jáne qazaqstandyq basylymdar jarysa jazdy. Atalǵan maman ózine Qazaqstan tarapynan osyndaı usynys túskenin búkpesiz jarııa etti.
Keshe Qazaqstan fýtbol federatsııasynyń saıty Nıkolaı Levnıkovtiń Tórelik etý jáne qadaǵalaý departamentiniń dırektory bolyp taǵaıyndalǵandyǵyn resmı túrde málimdedi.
Esterińizge sala keteıik, Levnıkov 2008-2009 jyldary Qazaqstan fýtbol federatsııasynyń Tórelik etý jáne qadaǵalaý departamentin basqarǵan. Qazaqstandyq tóreshilerdiń denin jaqsy tanıdy. N
ıkolaı Levnıkov buǵan deıin (sońǵy tórt jylda) Reseı fýtbol odaǵynyń Tóreshiler komıteti tóraǵasy qyzmetin atqaryp keldi. 1956 jyly 15 mamyrda týǵan. ÝEFA Tóreshiler komıtetiniń múshesi. FIFA-nyń halyqaralyq dárejedegi tóreshisi.
Derekkóz: Astana fýtbol federatsııasynyń saıty.
