Qazaqstan fýtbol federatsııasy Rıkardo Kakamen kelisimshartty uzartty
«Lıtvada ótken Álem chempıonatynda Qazaqstan quramasynyń tabysy elimizde fýtzaldyń damýyna úlken serpilis berdi. Sońǵy jyldary bizdiń fýtzal jańa deńgeıge kóterilgeni anyq. Bul baǵytta Kakanyń qosqan úlesi zor. Alaıda, bul jetistiktermen toqtap qalmaý mańyzdy. Bizdiń qurama negizgi irikteý kezeńinde jaqsy nátıje kórsetip, toptan birinshi orynmen shyqty. Alǵa qoıylǵan maqsat 2024 jyly Ózbekstanda ótetin Álem chempıonatyna joldama alý. Bizdiń bapkermen osy mindetti oryndaı alamyz dep senemin», – dep atap ótti Qazaqstan fýtbol federatsııasynyń prezıdenti Ádilet Barmenqulov.
Óz kezeginde Rıkardo Kaka jan-jaqty qoldaý men senim úshin alǵys bildirdi.
«Basty mindetterdiń biri oryndaldy – elıtalyq kezeńge shyqtyq. Endigi meje 2024 jylǵy Álem chempıonatyna joldama alý. Alǵa qoıylǵan maqsattardy júzege asyrý úshin bar kúshimizdi salamyz», – dedi ol.
Aıta keteıik, Rıkardo Kaka 2018 jyldan beri Qazaqstan quramasyn jattyqtyryp keledi. Onyń jetekshiligimen 2021 jyly ótken Álem chempıonatynda tórtinshi oryn aldyq. Bul tórtkúl dúnıe dodasyndaǵy eń úlken jetistigimiz sanalady.
