Qazaqstan fýtbol federatsııasy: Birinshi lıgada legıonerlerdiń oınaýyna tyıym salynýy múmkin
ASTANA. QazAqparat - Búgin Qazaqstan Fýtbol federatsııasynyń HІІ konferentsııasy barysynda federatsııa basshysy Erlan Qojaǵapanov birinshi lıgada legıonerlerdiń oınaýyna tyıym salýdy usyndy. Bul týraly Fýtbol federatsııasynyń baspasóz qyzmetinen habarlandy.
«Biz teńgerimdi transferli saıasatty qoldaımyz. Sondyqtan jaqyn keleshekte tıisti ózgeristerdi reglamentke engizbekpiz. Legıonerlerge qatysty máseleni Birinshi lıgadan bastaýdy usynamyz, sol sebepti kelesi jyldan bastap bizde tek otandyq fýtbol klýbtarynyń túlekteri oınaıtyn bolady. Dál osyǵan uqsas sharalar jattyqtyrýshylar men bapkerler korpýsyna da qatysty qabyldanbaq», - dedi E.Qojaǵapanov.
