Qazaqstan fýtbol chempıonatynda «Turan» men «Aqjaıyq» teń tarqasty

NUR-SULTAN. QazAqparat – Fýtboldan Qazaqstan chempıonatynyń 14-týrynda «Turan» Túrkistanda Oraldyń «Aqjaıyǵyn» qabyldady, dep habarlaıdy QazAqparat tilshisi.

Qos komanda da birinshi lıgaǵa túsip qalatyn qaýipti aımaqta turǵandyqtan, upaı aýadaı qajet edi.

Ótken jylǵy birinshilikte «Aqjaıyq» Túrkistanda 2:0 esebimen jeńiske jetip, Oralda 1:1 esebimen teń oınaǵan edi.

Bul joly birinshi taımnyń 25-mınýtynda «Aqjaıyq» sapyndaǵy brazılııalyq Rafael Sabınonyń basyna tıgen dop reseılik Stepan Sıkach qorǵaǵan qaqpaǵa kirip ketti.

Ekinshi kezeńde 52-mınýtta oraldyqtar uıymdastyrǵan shabýyldan keıin komanda kapıtany, reseılik Sergeı Shýstıkov dopty toqtatpastan dál tebe bildi – 1:1.

Budan keıin esep ózgergen joq. 12 upaıdan jınaǵan «Turan» men «Aqjaıyq» 12-inshi jáne 13-oryndarda qaldy.

Bul týrda «Aqsýdy» 5:0 esebimen oısyrata utqan «Astana» komandasy 24 upaımen týrnır kestesinde kósh bastady.

Kelesi týrda batysqazaqstandyq klýb 25 maýsymda óz alańynda «Ordabasyny» (Shymkent) qabyldasa, bir kúnnen keıin túrkistandyqtar Aqtaýda «Kaspıımen» kezdesedi.

Eske sala keteıik, budan buryn «Qaırattyń» «Maqtaaraldan» basym túskenin jazǵan bolatynbyz.

Sýretterdi túsirgen Aıbatyr Nurash.