Qazaqstan frıstaıl-mogýldan álem chempıonatynyń alǵashqy medalin jeńip aldy
ASTANA. KAZINFORM - Frıstaıl-mogýldan Qazaqstan quramasynyń sportshysy Anastasııa Gorodko Almatyda ótip jatqan jasóspirimder arasyndaǵy álem chempıonatynda kúmis medal jeńip aldy.
Ulttyq olımpıadalyq komıtettiń málimetinshe, fınalda qazaqstandyq sportshy 70.79 upaı jınap, ekinshi orynǵa ıe boldy.
Japonııalyq ıÝma Tagýchı 72.43 upaımen jeńimpaz atandy. Úshinshi oryndy taǵy bir japondyq sportshy Mıse Kýrea (66.63) ıelendi.
Al ıÝlııa Feklıstova 13-oryndy ıelense, Anastasııa Larıonova 17-oryn, Vıktorııa Kýznetsova 18-oryn, ıÝlııa Mokına 22-orynǵa turaqtady.
Aıta keteıik, 2022 jylǵy álem chempıonatynda Gorodko úsh júlde jeńip alǵan edi.
Ol parallel mogýlda jeńiske jetip, jekeleı synda jáne aralas komandalyq saıysta ekinshi oryn aldy. Sonymen qatar 2024 jylǵy álem chempıonatynda Gorodko mogýlda birinshi, parallel mogýlda ekinshi oryn ıelengen edi.
7-11 qańtar kúnderi Almatydaǵy Shymbulaq taý-shańǵy kýrortynda frıstaıl-mogýl jáne frıstaıl-akrobatıkadan jasóspirimder arasyndaǵy álem chempıonaty ótetinin jazǵan bolatynbyz.