Qazaqstan-Frantsııa transferttik tehnologııalar ortalyǵy quryldy
ASTANA. Shildeniń 22-si. QazAqparat /Rýslan Ǵabbasov/ - Qazaqstan-Frantsııa transferttik tehnologııalar ortalyǵy quryldy. Bul týraly búgin Astanada Indýstrııa jáne jańa tehnologııalar mınıstrliginiń 6 aı qyzmetiniń qorytyndylary men ekinshi jartyjyldyq josparlaryna arnalǵan alqa májilisinde «Injınırıng jáne tehnologııa transferti» AQ-nyń basqarma tóraǵasy Saıat Núsipov aıtty.
Transfert tehnologııasyna toqtalǵan ol «Qazaqstan-Frantsııa transferttik tehnologııalar ortalyǵy quryldy. Onyń jumysynda bir perspektıvti joba bar - bul «Kaz-PV» atty joba Qazaqstanda fotovoltaıstik elementterdi jáne modýlderdiń óndirisin qurýdy qarastyrady», dedi.
Basqarma tóraǵasynyń aıtýynsha, qazirgi kezde Zertteý jáne materıaldyq kómek qory (Frantsııa) jeke sektorǵa (FASEP) aldyn ala ǵylymı-zertteý jumystary men tehnıkalyq-ekonomıkalyq negizdemege 450 myń eýro kóleminde grant bóldi.
