Qazaqstan fızıka páninen HHІІ Azııa olımpıadasynda úzdik úshtikke endi

NUR-SULTAN. QazAqparat - Qazaqstandyq oqýshylar fızıka páninen HHІІ Azııa olımpıadasynda 5 medal jeńip alyp, úzdik úshtikke endi. Ulttyq qurama qorjynynda 1 kúmis jáne 4 qola medal bar, dep habarlaıdy QazAqparat QR Bilim jáne ǵylym mınıstrligine silteme jasap.

«Bilim jáne ǵylym mınıstrligi oqýshylarymyzǵa basqa elderdiń jasóspirimderimen jarysqa túsý múmkindigin arttyrý úshin barlyq jaǵdaıdy jasap jatyr. Jaqynda ǵana oqýshylarymyz hımııa páninen 56-shy Halyqaralyq Mendeleev olımpıadasynda 8 medal jeńip aldy. Sondaı-aq, oqýshylarymyz alǵash ret Frantsııadaǵy Dúnıejúzilik gımnazıadaǵa qatysyp, úzdik úshtikke endi. Fızıka páninen Azııa olımpıadasy - eń qıyn olımpıadalardyń biri bolyp esepteletinin aıta ketken jón. Al, biz álemdik pándik olımpıadalarda dástúrli túrde kóshbasshy sanalatyn elderdi de basyp ozdyq. Oqýshylarymyz 5 medalmen qosa 2 qurmet gramotasyna ıe boldy», - deıdi «Daryn» respýblıkalyq ǵylymı-praktıkalyq ortalyǵynyń orynbasary Nurlan Jumageldi.

Fızıka páninen Azııa olımpıadasyndaǵy jeńis oqýshylarǵa ulttyq quramaǵa enýge jáne Qazaqstannyń namysyn halyqaralyq fızıka olımpıadasynda (IPhO) qorǵaýǵa múmkindik beredi.

Respýblıka namysyn álemdik arenada Nur-Sultan, Almaty, Pavlodar, Atyraý jáne Aqtóbe qalalarynan 10-11 synyptardyń 8 oqýshysy qorǵady. Olardyń barlyǵy respýblıkalyq fızıka olımpıadasynyń jeńimpazdary men júldegerleri.

Bıyl zııatkerlik saıystar 24-31 mamyr aralyǵynda qashyqtyq formatynda ótti. Oǵan Qytaı, Malaızııa, Rýmynııa, Reseı, Sıngapýr, Saýd Arabııasy, Túrkııa, Taıland, Ońtústik Koreıa, Qyrǵyzstan jáne basqa álemniń 27 eliniń ókilderi qatysty.

Aıta ketsek, Bilim jáne ǵylym mınıstri memlekettik tapsyrys alatyn balabaqshalarǵa talap kúsheıetinin málim etken edi.