Qazaqstan - Fınlıandııa matchy: qozǵalys baǵytyn aldyn ala josparlaý qajet
ASTANA. QazAqparat – «Astana Arena» stadıonynda 7 qyrkúıek kúni EÝRO-2024 irikteý kezeńi aıasynda Qazaqstan men Fınlıandııa matchy ótedi. Osyǵan baılanysty astanalyqtar kólik keptelisin boldyrmaý úshin qozǵalys baǵytyn aldyn ala josparlaýy qajet, dep habarlaıdy QazAqparat qala ákimdiginiń resmı saıtyna silteme jasap.
EÝRO-2024 irikteý týrnıri 7 qyrkúıek, ıaǵnı beısenbi kúni saǵat 20:00-de ótedi. Bul – qurama komandamyzdyń EÝRO-2024 chempıonatyna shyǵý úshin sheshýshi kezdesýlerdiń biri. Qazirdiń ózinde 30 myńǵa jýyq bılet satylyp ketti. Stadıon lyq toly bolady dep kútilip otyr.
Oıyn «Astana Arena» stadıonynda ótetindikten, Turan men Qabanbaı batyr dańǵyldaryna kólik nópiri shamadan tys kóp bolýy múmkin.
Kólik keptelisin boldyrmaý úshin júrgizýshiler júrer jolyn aldyn ala josparlaýy qajet. Sonymen qatar, qoǵamdyq tártip saqtalýy kerek.
Aıta keteıik, 10 qyrkúıek kúni saǵat 19:00-de Astanada Qazaqstan quramasy Irlandııa quramasymen oınaıdy.
