Qazaqstan fılosoftarynyń kongresi qurylmaq
ALMATY. 25 qyrkúıek. QazAqparat - Almatyda 27-28 qyrkúıek kúnderi Ǵylym ordasynda qazaqstandyq fılosoftardyń tuńǵysh kongresi ótedi.
Bul sharany Fılosofııa, saıasattaný jáne dintaný ınstıtýty uıymdastyryp otyr. Kongress fılosofııanyń ózekti teorııalyq máselelerine ǵana emes, sonymen qatar joǵary oqý oryndarynda fılosofııa men fılosofııalyq pánderdi oqytýdyń mańyzdy máselelerine, áleýmettik-fılosofııalyq, mádenıettaný, saıasattaný jáne dintaný zertteýleriniń qoldanbaly tájirıbesine arnalyp otyr. Onyń aıasynda «Qazirgi zaman fılosofııasy: damý strategııalary» taqyrybynda forým ótedi. Oǵan qatysýshylar men qonaqtarǵa «Qazaqstandyq fılosofııanyń tanymal tulǵalary» atty anyqtamalyq usynylyp, qazirgi tańdaǵy ǵylymı zertteýler men fılosofııany oqytý tájirıbesiniń nátıjeleri jarııalanyp, taqyryptyq kórmeler ótkizilmek.
Alqaly basqosýda otandyq fılosofııalyq ǵylymnyń jetistikteri men qazirgi basymdyqtary qandaı, fılosofııalyq bilim qaı baǵytta damýy tıis jáne onyń praktıkalyq mán-mańyzy men maqsatı jaıly túıindi pikirler ortaǵa salynady.
Osy forýmda ǵalymdardyń jańa qoǵamdyq birlestigi - Qazaqstandyq fılosoftardyń kongress qurylady dep josparlanyp otyr.
