Qazaqstan fılmderiniń tabysy 2017 jyly $44 mıllıonnan asty
ASTANA. QazAqparat - Qazaqstanda 2017 jyly otandyq fılmderdiń jıyntyq tabysy 44 mln dollardan asty, dep habarlaıdy QazAqparat energyprom.kz-ke silteme jasap.
«Kınoprokatshylardyń aıtýynsha, Qazaqstan kınosyna degen suranys artyp keledi. 2016 jyly otandyq ónimder jıyntyq kassanyń 6%-yn quraǵan bolsa, 2017 jyly bul kórsetkish 13%-ǵa jetti. Byltyr Qazaqstan fılmderiniń jyldyq tabysy 44,5 mıllıon dollardy qurady», - delingen habarlamada.
Sonymen qatar Qazaqstan fılmderi kassalyq jıym boıynsha úzdik úshtik qataryna jıi iligedi. Máselen, www.ticketon.kz-tiń málimetinshe, aqpandaǵy sońǵy ýıkendte (22-25 aqpan) «Kanıkýly v Taılande» fılmi 64,4 mln teńge (prokattyń eki aptasynda 231 mln teńge) jınap, tek «Chernaıa Panteraǵa» jol bergen.
Budan tys, jyldyń alǵashqy ýıkendinde (4-7 qańtar) boks-ofıs boıynsha «Velıchaıshıı shoýmen» jáne «Djýmandjı: Zov djýngleı» syndy fılmderdi artqa tastaǵan «Bıznes po-kazahskı v Amerıke» fılmi kóshbasshy bolǵan.
Kınonyń bıletteri respýblıka boıynsha ortasha 1220 teńgemen satylǵan, bul byltyrǵydan nebári 0,9% qymbat degen sóz.
