Qazaqstan FIFA reıtınginde joǵarylady
ASTANA. QazAqparat - Halyqaralyq fýtbol qaýymdastyǵynyń resmı saıtynda 17 mamyr kúni jańartylǵan reıtıngte Qazaqstan Ulttyq quramasy eki satyǵa joǵarylady, dep habarlaıdy QazAqparat tilshisi.
QR Fýtbol federatsııasynyń baspasóz qyzmeti taratqan málimetterge súıensek, Qazaqstan quramasy sońǵy aıda eshqandaı oıyn ótkizbese de, FIFA reıtınginde eki satyǵa joǵarylap, 117-orynǵa shyqqan.
Stanımır Stoılov komandasy naýryz aıynda Vengrııa (3:1) jáne Bolgarııa (1:2) quramalarymen jolyqqan bolatyn.
Fýtbolshylarymyzdyń kelesi oıyny 5 maýsym kúni «Astana Arena» stadıonynda Ázerbaıjan quramasyna qarsy ótedi. Ázerbaıjan quramasy jańa reıtıngte - 126-orynda tur.
FIFA reıtıngi. 17 mamyr:
1 (1). Germanııa - 1544 upaı,
2 (2). Brazılııa - 1384,
3 (3). Belgııa - 1346,
4 (4). Portýgalııa - 1306,
5 (5). Argentına - 1254,
6 (6). Shveıtsarııa - 1179,
7 (7). Frantsııa - 1166,
8 (8). Ispanııa - 1162,
9 (9). Chılı - 1146,
10 (10). Polsha - 1128,
117 (119). Qazaqstan - 273.
