Qazaqstan fermerleri Qytaıǵa qandaı ónimderin eksporttaı alady

ASTANA. QazAqparat - Qytaıǵa aýyl sharýashylyǵy ónimderiniń eksporty 30 paıyzǵa artty. Bul týraly Aýyl sharýashylyǵy mınıstrliginiń keńeıtilgen alqa májilisinde Rústem Qurmanov málim etti, dep habarlaıdy QazAqparat.

«Jalpy, otandyq azyq-túliktiń negizgi ónimderimen qamtamasyz etý 80 paıyzdan asty. 2017 jyldyń 11 aıynda aýyl sharýashylyǵy ónimi men qaıta óńdelgen taýarlardyń eksporty 10 paıyzǵa artty. Osy oraıda ónimderdi eksportqa shyǵarý geografııasy keńeıip keledi. Qazirgi kezde qytaılyq naryq balyq, qoı men jylqy, omarta sharýashylyqtary, bıdaı ári burshaq daqyldary ónimderi úshin ashyq. Nátıjesinde, agroónerkásiptik keshen ónimderiniń QHR-ǵa eksporty 30 paıyzǵa ulǵaıdy», - dedi Qurmanov.
 

Onyń sózine qaraǵanda, Birikken Arab Ámirlikterine iri qara maldy tasymaldaý boıynsha shekteýler joıyldy.

«Iranǵa raps tuqymynyń eksporty 5,9 esege, arpa - 1,4 esege, burshaq daqyldary 1,9 esege artty», - dedi vıtse-mınıstr.