Qazaqstan fermerleri arasynda qandaı traktorlar suranysqa ıe
«2022 jyldyń basyndaǵy málimet boıynsha elimizde 147 myń traktor, 38 myń kombaın, 4 743 tuqym sebý kesheni jáne 77 myń dánsepkish bar. Bul rette traktorlardyń 80 paıyzy, kombaınnyń 72 paıyzynyń qyzmet etý merzimi 15 jyldan asqan. Barlyq parktiń ortasha tozýy deńgeıi - 76 paıyz», - dedi A. Saparov Senattaǵy dóńgelek ústel otyrysynda.
Sonymen qatar ol aýyl sharýashylyǵy tehnıkasyn jańartý kórsetkishine toqtala kele, 2017 jyly 103 mlrd teńgege 8,5 myń tehnıka, al 2021 jyly 260 mlrd teńgege 17 myń tehnıka satyp alynǵanyn jetkizdi.
Vıtse-mınıstrdiń aıtýynsha, otandyq mashına jasaý deńgeıi ósip keledi.
«QazAgroQarjy» málimetine qaraǵanda, 2021 jyly otandyq aýyl sharýashylyǵy tehnıkasyn satyp alý úlesi jalpy deńgeıde kombaıyndar boıynsha 79 paıyzǵa deıin, traktorlarǵa qatysty 62 paıyzǵa deıin ósti. Traktorlardyń keıbir modelderine suranys óndiristen artyq boldy. Elimizde qurastyrylatyn «Kırovets», «Versataıl», «Belarýs» traktorlary fermerler arasynda úlken suranysqa ıe», - dedi Aıdarbek Saparov.
Budan buryn habarlanǵandaı, vıtse-mınıstr agrarlyq tehnıka qunynyń ósýine qatysty pikir bildirdi.
«Agrarshylar tarypynan otandyq óndiristegi aýyl sharýashylyǵy tehnıkasyna baǵanyń kúrt óskeni týraly shaǵymdar túsip jatyr. Qazirgi kezde osy tehınkanyń eleýli túrde qymbattaýy bolyp jatyr, onyń ishinde otandyq kásiporyndardyń ónimine de qatysty. 2022 jyldyń basynda otandyq zaýyttardan shyǵarylǵan aýyl sharýashylyǵy tehnıkasynyń quny traktor men kombaındar boıynsha 2021 jylmen jylmen salystyrǵanda 13-ten 24 paıyzǵa deıin ósti», - dedi A. Saparov.