Qazaqstan farmkompanııalar úshin óńirlik hab bolýǵa nıetti

ASTANA. KAZINFORM — 

Astanadaǵy NU bazasynda joǵary halyqaralyq standarttarǵa sáıkes keletin aımaqtaǵy alǵashqy ǵylymı vıvarıı ashyldy, dep habarlaıdy Úkimettiń baspasóz qyzmeti.

Ǵylym jáne joǵary bilim mınıstri Saıasat Nurbektiń aıtýynsha, ol klınıkaǵa deıingi zertteýlerdiń tolyq tsıklin júrgizýge múmkindik berip, elimizdi bıomedıtsına salasynda jańa deńgeıge kótermek.

Sondaı-aq jańa ǵylymı nysan buryn preparattardy shetelde synaqtan ótkizip kelgen dári-dármek óndirýshiler men halyqaralyq ınvestıtsııalardy elimizge tartýǵa múmkindik beredi.

— Ǵylymı bıotehnologııalyq ortalyq pen vıvarııdi qurý — Qazaqstandy iri ǵylymı, medıtsınalyq, farmakologııalyq ortalyq retinde tanytý úshin óte mańyzdy qadam. Bul bizdiń aımaqtaǵy halyqaralyq standarttarǵa sáıkes keletin alǵashqy ortalyq. Endi Qazaqstannyń iri farmakompanııalardy tartýǵa jáne elimizdi klınıkalyq, klınıkaǵa deıingi synaqtardyń úlken ortalyǵy retinde usynýǵa biregeı múmkindigi bar, — dep atap ótti mınıstr.

Osyǵan deıin qazaqstandyq ǵalymdar obyr aýrýyna qarsy preparatty synaýdyń jańa kezeńin bastaǵany belgili boldy.