Qazaqstan Farer araldarynyń fýtbolshylaryn utty
ASTANA. 6 qyrkúıek. QazAqparat - Fýtboldan Qazaqstan quramasy 2014 jylǵy álem chempıonatynyń irikteý oıyndarynda alǵashuy úsh upaıǵa qol jetkizdi, dep habarlady Vesti.kz.
Astanada ótken Farer araldaryna qarsy matchta alań qojaıyndary belsendi oınady. Farer qaqpasyna bizdiń oıynshylarymyz birneshe ret qaýip tóndirdi, biraq ta dop soǵýdyń sáti túspedi.
Al Farer araldary oıynshylary alańnyń bóten jartysyna sırek shyqty. Biraq ta osyndaı shabýyldardyń birinde olar 22-mınýtta Qazaqstan qorǵanysynyń qatelerin dáp basyp, Froýdı Benıamınsen dop soqty. Qazaqstandyqtar úziliske deıin qarymta qaıyra almady.
Ekinshi taımda oıyn órnegi ózgerdi. Qazaqstandyqtar Farer qaqpasyna jıi shabýyldap, tyqsyra bastady. 51-shi mınýtta penaltıde Qaırat Nurdáýletov dopty qonaqtar qaqpasyna engizdi. Budan keıin 65-shi mınýtte Andreı Fınonchenko qaqpany «aldy» - esep - 2:1.
Budan keıin de qazaqstandyqtar qaqpaǵa dop soǵýǵa múmkindikterdi ornymen paıdalana almady. Sonymen oıyn 2:1 esebimen Qazaqstan quramasynyń jeńisimen aıaqtaldy. Endi Beranektiń kompndasynyń esebinde 4 ball bar. Qazaqstan besinshi ornyn saqtap qalyp, Farer oıynshylaryn kesteniń sońyna ysyrdy. Іrikteý tsıklyndaǵy kelesi matchty Qazaqstan 10 qyrkúıekte Astanada Shvetsııamen ótkizedi.
