Qazaqstan Eýropalyq Odaqpen ınnovatsııalyq jáne zertteýler salasynda yntymaqtastyqty arttyrýǵa múddeli - SІM
ASTANA. QazAqparat - Qazaqstan Eýropalyq Odaqpen ınnovatsııalyq jáne zertteýler salasynda yntymaqtastyqty arttyrýǵa múddeli. Bul týraly búgin Senattyń Halyqaralyq qatynastar, qorǵanys jáne qaýipsizdik komıtetinde QR Syrtqy ister mınıstriniń orynbasary Roman Vasılenko málim etti.
Eske salaıyq, otyrysta «Bir jaǵynan Qazaqstan Respýblıkasy men ekinshi jaǵynan Eýropalyq Odaqtyń jáne oǵan múshe memleketteriniń arasyndaǵy keńeıtilgen áriptestik pen yntymaqtastyq týraly kelisimdi ratıfıkatsııalaý týraly» zań jobasy talqylanǵan bolaty.
«Bizdiń elimizdiń aldynda ǵylymı-qamtymdy ekonomıka qurý mindeti tur. Sonymen qatar, otandyq ekonomıkany álemdik deńgeıde básekege qabiletti etý maqsatynda Qazaqstan Eýropalyq Odaqpen ınnovatsııalyq jáne zertteýler salasynda yntymaqtastyqty damytýǵa múddeli. Osyǵan baılanysty, jańa kelisimde taraptardyń birlesken zertteý jáne ınnovatsııalyq jobalaryn kommertsııalandyrý salasyndaǵy yntymaqtastyǵyn tereńdetý, ınnovatsııany damytý sharalary kózdeledi», - dedi Roman Vasılenko.
Onyń aıtýynsha, jańa kelisim Qazaqstan men EO arasyndaǵy yntymaqtastyqty arttyrýǵa tıimdi tetikter qalyptastyrady.
