Qazaqstan Eýropaǵa qoı men jylqy etin qashan eksporttaıdy — mınıstr

ASTANA. KAZINFORM — QR Aýyl sharýashylyǵy mınıstri Aıdarbek Saparov Úkimet otyrysynan keıingi brıfıngte Qazaqstannyń Eýropa naryǵyna aýyl sharýashylyǵy ónimderin shyǵarý jospary týraly habarlady.

Mınıstrdiń aıtýynsha, Qazaqstan Eýropa naryǵyna bal eksporttaý máselesin sheshti. Onyń aıtýynsha, endi qoı men jylqy etin Eýropaǵa shyǵarý jumystary júrip jatyr.

— Eýropadan mamandar kelip, et kombınattaryn qaraıdy, tekseredi. Saýalnama hattaryn toltyramyz. Eskertýi bolsa, qaıta toltyramyz. Múmkin osy máseleler jarty jyldyń ishinde retteledi, — dedi Aıdarbek Saparov.

Onyń aıýytnsha, et eksporty bal sııaqty ońaı sheshilmeıdi. Eýropa elderi qatań veterınarlyq jáne sanıtarlyq talap qoıady. Sondyqtan eýropalyq ınspektorlar Qazaqstanǵa arnaıy kelip, et kombınattaryn aralap, óndiris standarttaryn tekseredi. Barlyq talap oryndalǵan jaǵdaıda ǵana qazaqstandyq et ónimderi Eýropa naryǵyna joldanady.

Buǵan deıin mınıstr sıyr eti eksportyna qoıylǵan shekteýdiń jeńildeýi múmkin ekenin aıtqan edi.