Qazaqstan Eýropa quramalary aralyq reıtıngisinde 50-orynǵa ıe boldy
ASTANA. QazAqparat - ÝEFA resmı saıty EÝRO-2016-ǵa quramalardyń aralyq reıtıngisin jasady, dep habarlady sports.kz.
Bul reıtıngi Parıjde 2015 jylǵy 12 jeltoqsanda ótetin EÝRO-2016 fınaldyq satysyndaǵy jerebe kezinde komandalardyń qaı qorjynǵa túsetinin aıqyndaıdy.
EÝRO-2016 tórt irikteý matchynda Germanııa quramasy jeti upaı jınady, bul 38,286 koeffıtsıentine teń. Eýropalyq irikteýdiń aqpandaǵy jerebesinde de nemister kósh basyna shyqty. Buǵan burynǵy kóshbasshy Ispanııanyń kórsetkishi tómendeýi sebep boldy. Úshinshi orynda aǵylshyndar, al tórtinshi orynda Italııa ornalasqan, bestikti Nıderlandy tuıyqtap tur.
Mundaǵy eleýli ózgeris búginde jeti orynǵa taban tiregen Chehııanyń birden 10 pozıtsııaǵa joǵarylaýy boldy. Pavel Vrbanyń komandasy EÝRO-2016-nyń kúzgi irikteý matchtaryn jaqsy ótkizip, tórt matchta tórt jeńiske ıe boldy, sonyń ishinde Nıderlandyny da tize búktirdi. Frantsııa men Horvatııa da ondyqtyń qataryna kirdi. Izraıl 23-shi orynnan 12 orynǵa sekirdi, sondaı-aq Rýmynııa (26-dan 15-shi orynǵa), Islandııa (38-shi orynnan 24-shige), Soltústik Irlandııa (39-dan 33-ke) jaqsy tabystarǵa jetti.
Qazaqstan quramasy Gıbraltar, San-Marına, Andorra jáne Malta komandalarynan alǵa ozyp, 50-shi orynǵa turaqtady.
