Qazaqstan Eýroodaqtyń «Gorızont-2025» ınnovatsııalyq baǵdarlamasyna qatysady
ASTANA. 18 qazan. QazAqparat - Qazaqstan Eýroodaqtyń «Gorızont-2025» ınnovatsııalyq baǵdarlamasyna qatysady. Bul týraly búgin Astanada «Qazaqstannyń densaýlyq saqtaý reformasy - ult densaýlyǵynyń qorǵany» atty konferentsııada Qazaqstandaǵy Eýropalyq keńes ókildiginiń basshysy Aýrelııa Býshez málim etti.
«2014 jyldyń basynda biz «Gorızont-2025» baǵdarlamasyn júzege asyrýdy bastamaqpyz. Bul Eýroodaqtyń ınnovatsııalar boıynsha iri baǵdarlamasy bolyp tabylady. Qazaqstan bunyń aldynda FP-7 dep atalǵan baǵdarlamaǵa qatysyp, onyń jemisin kórgen bolatyn. Sondyqtan «Gorızont-2025» jobasynda da atalmysh tájirıbe qoldanylady dep senemiz», - dep atap ótti ol.
A.Býshezdiń atap ótkenindeı, baǵdarlama keń aýqymdy jáne barlyq salalardy qamtıdy. Onyń ishinde densaýlyq saqtaý salasy da bar.
«Árıne bul ınnovatsııalyq baǵdarlama mańyzdy ról atqaratyn barlyq salalardy qamtıtyn bolady. Jańa baǵdarlama aıasyndaǵy Eýroodaq pen Qazaqstan arasyndaǵy áriptestik kelesi jyly da jalǵasyn tabady», - dedi Elshi.
