Qazaqstan Eýroodaqqa ekijaqty vızalyq rejımdi jeńildetýdi usyndy
ANA. Mamyrdyń 19-y. QazAqparat /Aıdar Ospanalıev/ - Búgin Syrtqy ister mınıstrliginiń Jaýapty hatshysy Rápil Joshybaev Eýropalyq Odaqtyń Qazaqstandaǵy ókildiginiń basshysymen kezdesýi barysynda Qazaqstan men Eýropalyq Odaq arasyndaǵy Vızalyq rejımdi jeńildetý jónindegi kelisimge qol qoıýǵa qatysty bastamaǵa qoldaý kórsetýdi surady,
dep habarlaıdy QazAqparat.
Syrtqy ister mınıstrligi taratqan málimetterge qaraǵanda, mınıstrlik ókili atalmysh qujatqa qoldaý kórsetip qana qoımaı, Eýropalyq Odaqqa múshe elderdiń de Qazaqstanmen aradaǵy vızalyq rejımdi jeńildetý qajettigin aıtqan. Osyǵan qaraı basqosýda Qazaqstannyń atalmysh bastamasynyń ekijaqty qatynastardy damytýda mańyzdy ról atqaryp, Qazaqstan men Eýropalyq Odaq arasyndaǵy áriptestik qarym-qatynastardy damytýǵa yqpal etetindigi aıtyldy.
Eýropalyqtar sonymen qatar Qazaqstannyń Eýropalyq Odaqqa múshe memleketterge kez-kelgen sanattaǵy vızalardy resimdeý barysynda jasalatyn jeńildikter men pereferentsııalar jónindegi aqparatyn jyly qabyldady. Eýropa tarapy sonymen qatar qazaqstandyq bastamaǵa qoldaý bildirip, elimizdi ekijaqty qarym-qatynas barysynda da Eýropalyq Odaq qurylymdarynyń aıasynda da qoldaıtyndyqtaryn bildirdi.
Kezdesý sońynda Eýropadaǵy qaýipsizdik jáne yntymaqtastyq uıymynyń tóraǵasy, Memlekettik hatshy- Syrtqy ister mınıstri
Qanat Saýdabaevtyń Eýropalyq Odaqqa múshe elderdiń syrtqy ister vedomstvosy basshylaryna degen joldaýy jetkizildi. Taraptar konsýldyq máseleler boıynsha birlesken qımyldardy jalǵastyra berý jóninde kelisti.
