Qazaqstan eýrokýboktar maýsymy reıtıngindegi ornyn saqtap qaldy
ASTANA. QazAqparat - Qazaqstan eýrokýboktar maýsymy reıtıngindegi ornyn saqtap qaldy, dep habarlaıdy QazAqparat Sports.kz-ke silteme jasap.
Keshe túnde «Astana» óz alańynda Eýropa lıgasy toptyq kezeńiniń 4-týry aıasynda Chehııanyń «ıAblonets» komandasyn 2:1 esebimen jeńgen bolatyn.
Bul jeńis Qazaqstanǵa ÝEFA eýrokýboktar maýsymy reıtınginde óz ornyn saqtap qalýǵa múmkindik berdi. Qazir elimiz ortasha 4,250 koeffıtsıent kórsetkishimen 18-orynda tur.
Jekeleı alǵanda, qazaqstandyq klýbtardyń koeffıtsıentteri mynadaı: «Astana» - 10,5, «Qaırat» pen «Tobyl» - úsheýden, «Ertis» - 0,5 koeffıtsıentke ıe. Elordalyq ujym eýrokýboktardaǵy maýsymyn áli jalǵastyryp jatyr.
Eýropa lıgasyndaǵy kelesi matchty Grıgorıı Babaıan shákirtteri óz alańynda 29 qarasha kúni ótkizedi.
