Qazaqstan «Eýro-4» jáne «Eýro-5» standartty benzın shyǵarady - Q.Bozymbaev

ASTANA. QazAqparat - Qazaqstanda «Eýro-4» jəne «Eýro-5» standartyna sáıkes benzın shyǵarylady. Bul týraly búgin halyq aldynda esep bergen Qazaqstan Respýblıkasynyń Energetıka mınıstri Qanat Bozymbaev málim etti.

«Qazirgi tańda elimizdegi úlken úsh munaı zaýytynda modernızatsııa jumystary júrip jatyr. Jańǵyrtý nátıjesinde Qazaqstanda «Eýro-4» jəne «Eýro-5» standartyna sáıkes benzın shyǵarylady. Sonymen qatar, biz ishki janarmaı naryǵyn sapaly benzınmen qamtýdy kózdep otyrmyz. Bul máselelerdi biz jan-jaqty taldap, aldaǵy jyldarǵa jospar əzirleýge kiristik»,-dedi Q.Bozymbaev.

Mınıstr atap ótkendeı,  2015 jyldyń qorytyndysy boıynsha, Qazaqstanda munaı men kondensant óndirý kólemi 79,5 mln. tonnany quraǵan. «2016 jyldyń alǵashqy tórt aıynda 26,2 mln. tonna munaı óndirildi. Osylaısha, biz jospardy 4 paıyzǵa asyra oryndap otyrmyz. Munaı baǵasynyń ósýi kompanııalarǵa osy jyldyń josparyn asyrýǵa múmkindik beredi. Halyqaralyq sarapshylardyń boljamy boıynsha, munaıdyń álemdik baǵasy tek 2017-2018 jyldary barreli 60-65 dollar deńgeıinde bolady. Biz munaı óndirý kólemi 2017 jyly turaqtanady dep boljap otyrmyz»,-dedi Bozymbaev.