Qazaqstan Eýro-2018-diń «qolasy» úshin reseıliktermen oınaıdy
ASTANA. QazAqparat - Qazaqstan quramasy fýtzaldan Eýropa chempıonatynyń qola medaldary úshin Reseı komandasymen baq talastyratyn bolady, dep habarlaıdy QazAqparat Sports.kz saıtyna silteme jasap.
Match «Arena Stojıtsede» senbi, 10 aqpan kúni astana ýaqytymen 23:00-de bastalady. Oıyndy tikeleı efırden «Habar» telearnasy kórsetedi.
Eske salaıyq, Reseı men Qazaqstan quramalary osy týrnır aıasynda buǵan deıin de kezdesken bolatyn - «V» tobyndaǵy match 1:1 esebimen aıaqtalǵan edi. Reseılik fýtbolshylardan goldy Eder Lıma (2-mınýtta) soqsa, qazaqstandyqtar arasynan nátıjeli soqqyny Dýglas (24-mınýtta) jasady. Teń esep Qazaqstanǵa shırek fınalǵa ótýge múmkindik berdi.
¼ oıynda Reseı Slovenııany (2:0), Qazaqstan Serbııany (3:1) jeńdi.
Jartylaı fınalda reseılikter Portýgalııa komandasyna ese jiberdi (2:3). Al Kakaý jattyqtyratyn qazaqstandyq fýtbolshylar (5:5, 1:3 - penaltı boıynsha) Ispanııaǵa jol berdi.
