Qazaqstan EÝRO-2016 irikteý matchynda Túrkııadan utylyp qaldy

Match kútkendeı-aq alań ıeleriniń belsendi qımylymen bastaldy. Fatıh Kerımniń jigitteri dopty senimdi baqylap, qazaqstandyq oıynshylarǵa anada-sana ǵana óziniń aıyp alańyna jaqyndaýyna múmkindik berdi.

Oıynnyń 22-shi mınýtynda Býrak Iylmaz match esebin ashýy múmkin edi, biraq ta Qazaqstan quramasynyń qaqpashysy Aleksandr Mokınmen betpe-bet kelgen sátte onyń soqqan doby qaqpa janynan qıys ótip ketti.

Túrik fýtbolshylary qazaqstandyq komandanyń aıyp alańyna shabýyldy belsene kúsheıte tústi. Nátıjesinde penaltıde sol Býrak Iylmaz dop soqty. Úsh mınýttan keıin ol esepti eki dopqa deıin jetkizdi.

Matchtyń ekinshi jartysynda Qazaqstan quramasy fýtbolshylary belsendi qımyldaı bastady. Degenmen 83-shi mınýtta túrikter úshinshi dopty qaqpaǵa saldy. Oıynnyń 87-shi mınýtynda ǵana qazaqstandyqtar bir doppen oıyndy aıaqtady.

Kelesi matchty bizdiń fýtbolshylar 28 naýryzda óz arenasynda A tobynyń kóshbasshysy Ispanııa quramasymen ótkizedi.