Qazaqstan Eýrazııa ortalyǵyndaǵy úılesim lıderleriniń biri - Búkilálemdik rýhanı mádenıet forýmy
ASTANA. Qazannyń 20-sy. QazAqparat Aıdar Ospanalıev/ - Qazaqstan Eýrazııa ortalyǵyndaǵy úılesim lıderleriniń biri. Búgin Astanada ótip jatqan Búkilálemdik rýhanı mádenıet forýmynda Jahandyq úılesim odaǵynyń prezıdenti Lev Sımashko elimizge osyndaı baǵa berdi.
Onyń paıymdaýynsha, 20 jyldyń ishinde Qazaqstan basshysy Nursultan Nazarbaev úılesimdi qalyptastyrý baǵytynda keleli sharýalar atqardy. Nátıjesinde Qazaqstan ózara úılesimin tapqan jańa órkenıet qurý isine ózgelerden buryn jáne sanaly túrde kiristi. «Bul rette ol tek úılesimdiliktiń tek óz elinde ǵana emes, álemde de kórinis tabýyna yqpal etti. Osyǵan baılanysty Jahandyq úılesim odaǵy Qazaqstan basshysy Nursultan Nazarbaevty «Álemdik úılesimdi qalyptastyrýshy» degen qurmetti de joǵary deńgeıdegi ataqqa laıyqty dep tapty», dedi Jahandyq úılesim odaǵynyń basshysy.
Onyń sózine qaraǵanda, Qazaqstan Prezıdenti Eýrazııa keńistiginde 20 jyldan astam úılesimdi qalyptastyrýǵa baǵyttalǵan saıasat júrgizdi. Sondyqtan ony búgin Eýropa men Azııanyń úılestirýshisi deýge bolady. «Sonymen qatar ol Búkilálemdik rýhanı kelisimdi úılestirý jónindegi basqosýlardyń bastamashysy boldy. 1992 jyldan bastap, bul el Rýhanı kelisim men úılesim kúnin atap ótip keledi. Qazaqstan basshysynyń álemdik órkenıetti damytý isine qosqan úlesin álem áldeqashan-aq moıyndaǵan. 2001 jyly Qazaqstanǵa kelgen Rım Papasy Pavel II bul eldi «Úılesim eli» dep atady. Qazaqstan Prezıdenti bastap otyrǵan saıasat pen úılesim strategııasy negizinde Qazaqstan HXI ǵasyrda úılesimdi órkenıettiń lıderi atanady degen oıdamyn», dedi Lev Sımashko.
