Qazaqstan ETS kompanııasynyń bilimdi testileý tájirıbesin zerdeleýge múddeli
ASTANA. KAZINFORM — Qasym-Jomart Toqaev Educational Testing Service (ETS) kompanııasynyń prezıdenti jáne bas atqarýshy dırektory Amıt Sevakty qabyldady, dep habarlaıdy Aqordanyń baspasóz qyzmeti.
Áńgimelesý barysynda Memleket basshysy ETS kompanııasynyń bilimdi testileý men baǵalaý salasynda kósh bastap kele jatqanyna erekshe nazar aýdardy.
Prezıdenttiń aıtýynsha, Qazaqstan bilim berý júıesinde kompanııanyń tájirıbesin zerdeleý men paıdalanýǵa qyzyǵýshylyq tanytady.
Amıt Sevak Memleket basshysyna kompanııanyń halyqaralyq jumys jospary týraly málimet berdi.
Uıym jylyna álemniń 180 eline 50 mıllıonnan asa test ázirleıdi ári ákimshilendiredi, sondaı-aq ulttyq bilim berý júıesine arnalǵan beıindik sheshimderdi usynady.
Osyǵan deıin Memleket basshysy Goldman Sachs Global Institute kompanııasynyń jahandyq máseleler boıynsha prezıdenti Djared Koenmen kezdesý ótkizgenin jazǵan edik.