Qazaqstan estradasynyń tanymal juldyzdary bir kúnge mamandyqtaryn ózgertti (FOTO)
ASTANA. QazAqparat - QR Ulttyq mýzeıi «Jasyl gıd» atty erekshe sharany uıymdastyrdy. Qazaqstan estradasynyń tanymal juldyzdary bir kúnge mýzeıde ekskýrsııa júrgizýshisi qyzmetshisi atanyp, kelgen qonaqtar men meımandardy eksponattarmen tanystyryp kórdi.
«Biz bundaı qyzyqty sharany alǵash ret jasap otyrmyz jáne QR Tuńǵysh Prezıdenti kúnine oraı uıymdastyrǵan bolatynbyz. Bizdiń eldiń eń áıgili adamdary sizderdi mýzeıdegi qundy tarıhı jádigerlermen jáne bizdiń ulttyq muramyzben tanystyrǵaly kelip otyr», - deıdi mýzeı dırektory Darhan Myńbaı.
Mýzeıde ekskýrsııa júrgizýshileriniń ornyna búgin kelgen qonaqtarǵa Qaraqat Ábildına, Qurmash Mahanov, Qalqaman Sarın, Klara Tólenbaeva, Marjan Arapbaeva, Dosymjan Tańatarov, Gúlnur Orazymbetova qyzmet jasady.
Qaraqat Ábildına óz jumysyn altyn buıymdar zalynda ótkizse, Marjan Arapbaeva meımandardy qazirgi zaman ónerimen tanystyrdy. Klara Tólenbaeva kelýshilerge Táýelsizdik zalyndaǵy zattardy kórsetken bolsa, Dosymjan Tańatarov etnografııa zalyn aralatty. Qurmash Mahanov pen Qalqaman Sarın kelýshilerge tarıhı jádigerlerdi kórsetti. Al Gúlnár Orazymbetova Astana zalynda Qazaqstan astanasynyń tarıhyna qatysty derekterdi baıandady.
Shara 18:00-de Qazaqstan ekstradasy juldyzdarynyń kontsertine ulaspaq.
