Qazaqstan estradasynyń ánshileri jańajyldyq josparlarymen bólisti
ALMATY. QazAqparat - Qazaqstan estrada ánshileri «QazAqparat» tilshisine Jańa jyl keshindegi basty josparlarymen bólisti.
«Men 31 jeltoqsan kúni keshte óz klýbymda jumys isteımin. Jańa jyl keshinde jumys isteý men úshin úırenshikti jaǵdaı», - dedi All Davay tobynyń ánshisi Shoqan Maratuly.
Kental esimimen tanylyp júrgen ánshi Talǵat Kenjebolatov óz pikirin aıtty.
«Men Aıaz atanyń ómirde joq ekenin bilgennen beri bul merekege senýdi qoıǵam. Sol kúnnen bastap, atap ótpeımin desem de bolady. Jańa jyl keshi men úshin qatardaǵy kún bolyp esepteledi», - dedi ol.
