Qazaqstan Estonııanyń bıotehnologııa, organıkalyq eginshilik tájirıbesine qyzyǵýshylyq tanytty
ASTANA.KAZINFORM - Aýyl sharýashylyǵy vıtse-mınıstri Amanǵalı Berdalın Estonııanyń Aýyl sharýashylyǵy jáne aýyldyq aýmaqtardy damytý vıtse-mınıstra Tenıs Tıanavpen kezdesti.
QR Aýyl sharýashylyǵy mınıstrligi málimetinshe, taraptar agroónerkásiptik keshen, logıstıka, mal sharýashylyǵy, tsıfrlandyrý jáne agrarlyq ǵylym salalaryndaǵy yntymaqtastyq perspektıvalaryn talqylady.
Erekshe nazar ózara saýdany damytýǵa aýdaryldy.
Osy jyldyń 9 aıynyń qorytyndysy boıynsha Qazaqstan men Estonııa arasyndaǵy taýar aınalymy 3,7 esege ósti, al qazaqstandyq ónim eksporty 7,4 esege artty.
Kezdesý barysynda mal sharýashylyǵy jáne logıstıka baǵyttaryndaǵy yntymaqtastyq máseleleri jeke qaraldy. 2025 jyldyń basynan beri Estonııa porttary arqyly 116 myń tonna qazaqstandyq astyq qaıta baǵyttaldy. Sıllamıae porty men Mýýga termınaly otandyq agroónimderdiń álemdik naryqtarǵa shyǵýy úshin perspektıvaly kólik baǵyttary retinde qarastyrylyp otyr.
Taraptar ǵylymı-tehnıkalyq saladaǵy yntymaqtastyqtyń aıtarlyqtaı áleýetin atap ótti.
Amanǵalı Berdalın áriptesine Qazaqstanda organıkalyq tuqym óndirisiniń damýy jáne S.Seıfýllın atyndaǵy QazATÝ bazasynda agrotehnopark qurý týraly aqparat berdi.
Qazaqstan Estonııanyń bıotehnologııa, organıkalyq eginshilik jáne AÓK-ti tsıfrlandyrý baǵyttaryndaǵy tájirıbesine qyzyǵýshylyq tanytty.
Kelissóz qorytyndysy boıynsha Qazaqstan praktıkalyq yntymaqtastyqty keńeıtýge, saýda baılanystaryn nyǵaıtýǵa jáne birlesken jobalardy iske asyrýǵa daıyn ekenin rastady.
Qazaqstan tarapy sondaı-aq Estonııamen áriptestikti odan ári tereńdetýge ashyq ekenin atap ótti.
Qazaqstan men Estonııa qaı salalarda yntymaqtastyqty nyǵaıtatynyn jazǵan bolatynbyz.