Qazaqstan erler quramasy shańǵy jarysynan ýnıversıadanyń kúmisin ıelendi
ASTANA. QazAqparat - Krasnoıarskide ótip jatqan qysqy Ýnıversıada oıyndary aıasynda shańǵy jarysynan erler arasyndaǵy estafeta aıaqtaldy. Qazaqstan komandasy kúmis medal ıegeri atandy, dep habarlaıdy Olympic.kz.
Qatysýshylar 7,5 shaqyrymǵa sozylǵan 4 kezeńdi basyp ótýi tıis boldy. Jarysqa jalpy esebi 15 komanda qatysty.
Qazaqstandyqtar Reseıdi alǵa jiberip, ekinshi oryn ıelendi. Úshinshi satyda Fınlıandııa sportshylary.
Áıelder arasyndaǵy estafetada Qazaqstan 4-orynnan kóringen bolatyn.
