Qazaqstan erler quramasy U19 Azııa chempıonatyn bes altyn medalmen aıaqtady
ASTANA. KAZINFORM — Indonezııanyń Djakarta qalasynda bokstan U19 jáne U23 jas sanatyndaǵy Azııa chempıonaty ótip jatyr.
Búgin, 16 shildede kúndizgi sessııada U19 jas sanatynda júldeler sarapqa salyndy. Nátıjesinde qazaqstandyqtar eki altyn, tórt kúmis medal jeńip aldy.
Bıbarys Áshirbaı 70 kelige deıingi salmaqtyń fınalynda japonııalyq Kýnımıttsý Honjony jeńdi.
Sondaı-aq Vladıslav Samojonov 90 keliden joǵary salmaqta ózbekstandyq Islam Salıhovty tize búktirdi.
Al 50 kelige deıingi salmaqta Ádil Asqanbaı fınalda ózbekstandyq Ýtkızbek Nozkosımovtan jeńildi.
65 kelige deıingi salmaqta Aqjúrek Qalabaı Ońtústik Koreıa ókili Kan Dehoǵa jol berdi.
80 kelige deıingi salmaqta Tımýr Taıbekov aqtyq synda ózbekstandyq Abrorbek Sharıpovqa ese jiberdi.
85 kelige deıingi salmaqta Rýslan Ahmetov fınalda Sardorbek Bahromhýjaevtan (Ózıýekstan) jeńildi.
Osylaısha, Qazaqstan U19 jas sanatynda bes altyn, tórt kúmis, jáne úsh qola medalmen jarysty aıaqtady. Buǵan deıin, Kamıla Ospanova (70 kelige deıin), Aıdana Ýbaıdýllaqyzy (80 kelige deıin) jáne Zarına Tolybaı (80 keliden joǵary) altyn alsa, Madıra Jumaqan (48 kelige deıin), Edige Nurǵoja (55 kelige deıin), Aqnur Tursynǵalı (57 kelige deıin), Aısulý Muhıt (65 kelige deıin), Jalǵas Ýtebekov (90 kelige deıin) qola medal alǵan edi.
Aıta keteıik, keshki sessııada U23 jas sanatynda erler arasynda aqtyq básekeler ótedi.
Eske salaıyq, buǵan deıin Qazaqstan balýandary Vengrııadaǵy reıtıngtik týrnırde alty medal jeńip alǵanyn habarlaǵanbyz.
