Qazaqstan erler komandasy taekvondodan álem kýbogynyń kúmis júldegeri atandy
KAZINFORM – Búgin Ońtústik Koreıanyń Chýnchon qalasynda ótip jatqan taekvondodan WT komandalyq álem kýbogynyń júldegerleri anyqtaldy, dep habarlaıdy QR Týrızm jáne sport mınıstrligi Sportty damytý dırektsııasynyń baspasóz qyzmeti.
Erler arasynda Qazaqstan komandasy aqtyq synǵa shyǵyp, sheshýshi jekpe-jekte Qytaımen kúsh synasty. Kezdesý 0-2 esebimen qarsylastyń paıdasyna aıaqtaldy.
Ulttyq komanda sapynda Maqsat Orynbasar, Abdýrahmon Marıpov, Anýar Muhametkarımov, Batyrhan Kýsetov baq synady.
Jarys barysynda Qazaqstan shırek fınalda, Marokkony (2-0), keıin Reseıden (2-1) basym tústi.
Aıta keteıik, komandalyq álem kýbogyna 10 memleketten 80 daıang sheberi jınaldy.
Qazaqstannan toǵyz boksshy U19 Azııa chempıonatynyń altyn medali úshin baq synaıtynyn jazǵan edik.
