Qazaqstan erkin kúres sheberi Ivan ıArygın atyndaǵy Golden Gran-prı týrnıriniń kúmis júldegeri atandy
ALMATY. 31 qańtar. QazAqparat /Erlik Erjanuly/ - Krasnoıarsk qalasynda 28-30 qańtar kúnderi erkin jáne áıelder kúresinen Ivan ıArygın atyndaǵy Golden Gran-prı týrnıri ótti.
FILA tártibi boıynsha onda erler - 55, 60, 66, 74, 84, 96, 120 keli, al áıelder - 48, 51, 55, 59, 63, 67, 72 keli salmaq dárejelerinde baq synady. Onda 13 elden sportshylar qatysyp, áıelder kúresinen eń jeńil salmaqtaǵy Juldyz Eshimova kúmis júldege ıe boldy. Bul reseılikter úshin Álem chempıonaty aldyndaǵy asa mańyzdy jaýapty syn bolyp esepteledi. Sondyqtan olar ulttyq quramanyń barlyq úzdikterin jarysqa qosyp, beıresmı komandalyq synda 1-oryndy jeńip aldy.
Jarysta Qazaqstan namysyn erler men áıelder arasynda bapkerler keńesiniń sheshimimen on-onnan 20 balýan qorǵady. Jalpy bul týrnır Golden Gran-prı serııasyndaǵy halyqaralyq týrnırdiń fınalyna joldama beretin irikteý saıysy bolyp esepteledi. Onda úzdik segizdiktiń qataryna engender aldaǵy ýaqytta Ázirbaıjan astanasynda ótetin aqtyq synda óner kórsetýge múmkindik alyp otyr.
