Qazaqstan erkin ekonomıkalyq aımaqqa ákelinetin taýarlardy kedendik bajdan bosatýdy talap etip otyr - Úkimet basshysy
aýsymnyń 1-i. QazAqparat /Ernur Aqanbaı / - Keden odaǵy aıasynda erkin ekonomıkalyq aımaq úshin kedendik jeńildikter boıynsha 2010 jylǵy qańtardyń 1-ine deıin ótpeli kezeńdi belgileý mańyzdy másele bolyp tabylady.
Bul týraly búgin Úkimet otyrysynda Premer-Mınıstr Kárim Másimov málim etti, dep habarlaıdy QazAqparat.
Úkimet basshysynyń aıtýynsha, mamyrdyń 28-inde Sankt-Peterborda Reseı Premer-Mınıstri Vladımır Pýtınmen júrgizilgen kelissózder barasynda Qazaqstan erkin ekonomıkalyq aımaqqa ákelinetin taýarlardy kedendik bajdan bostaýdy talap etken. Budan ári jetkilikti qaıta óńdeý ólshemderin saqtaǵan kezde osy taýarlardan óndirilgen ónimder erkin ekonomıkalyq aımaqtan Keden odaǵynyń basqa aýmaqtaryna bajsyz shyǵarylatyn bolady. «Osylaısha, biz kedendik bajdar boıynsha jeńildikter arqyly erkin ekonomıkalyq aımaqtarymyzdyń ınvestıtsııalyq tartymdylyǵyn qamtamasyz etemiz jáne jetkilikti qaıta óńdeýdi talap etý arqyly olarda qosylǵan qun jasaýdy qamtamasyz etemiz», dedi Úkimet basshysy.
