Qazaqstan ERG kompanııasynan 365 mln dollar dıvıdend aldy

ASTANA. KAZINFORM — Dıvıdent retinde alynatyn qarajat buǵan deıin Lıýksembýrgte buǵattalǵan. Bul týraly Qarjy mınıstri Mádı Takıev aıtyp otyr. 

— Bıyl ótken jyldar úshin 365 mln dollar dıvıdend aldyq. 2024 jyldyń qorytyndysy boıynsha qarjylyq esep endi ǵana aıaqtaldy. Ázirge nátıje kórgen joqpyn. Bıyldyń qorytyndysyn kelesi jyly qaraımyz. Al ótken 2021-2022 jyldar úshin aqshamyzdy aldyq. Ol buǵattalǵan qarajat esebinen shyǵaryldy, — dedi Mádı Takıev Úkimet úıinde ótken baspasóz máslıhatynda.

Aıta keteıik, Eurasian Resources Group (ERG) — tabıǵı resýrstardy óndirý jáne óńdeý salasyndaǵy álemdegi eń iri kompanııalardyń biri. ERG-niń negizgi aktsıoneri (40%) — Qazaqstan Respýblıkasynyń Úkimeti. ERG-niń bas keńsesi Lıýksembýrgte ornalasqan.

Taıaýda ERG kompanııasy 7 myń jumys ornyn tsıfrlandyratyny týraly habarlaǵan edik. 

Sondaı-aq ERG tsıfrlandyrýdy engizgennen keıin bosaǵan jumysshylardyń qaıda baratyny týraly jazǵan bolatynbyz.