Qazaqstan EO men Ulybrıtanııa qol jetkizgen kelisimdi quptaıdy - SІM

NUR-SULTAN. QazAqparat – Qazaqstan Respýblıkasy Syrtqy ister mınıstrligi Eýropalyq Odaq pen Ulybrıtanııa arasyndaǵy Saýda jáne yntymaqtastyq týraly kelisimine qatysty málimdeme jasady, dep habarlaıdy QazAqparat mınıstrlikke silteme jasap.

«Qazaqstan Respýblıkasy 2020 jylǵy 24 jeltoqsanda Eýropalyq Odaq pen Ulybrıtanııa qol jetkizgen Saýda jáne yntymaqtastyq týraly kelisimin quptaıdy.

Eki tarap – Qazaqstannyń iri jáne mańyzdy seriktesteri. Biz atalǵan ýaǵdalastyqtar Brıýssel jáne Londonmen qarym-qatynastarymyzdy nyǵaıtý úshin jańa múmkindikter ashady dep paıymdaımyz.

Biz 2020 jyldyń 1 naýryzynda kúshine engen Eýropalyq Odaqpen Keńeıtilgen áriptestik pen yntymaqtastyq týraly kelisimimizdi joǵary baǵalaımyz jáne 2021 jyly Ulybrıtanııamen strategııalyq áriptestik pen yntymaqtastyq týraly jańa ekijaqty kelisimge qol qoıýdy kózdeımiz», delingen habarlamada.