Qazaqstan energııasynyń shamamen 70 paıyzyn 30 iri ónerkásip kásiporyndary tutynady
Bul týraly búgin «Ǵylym-Indýstrııa-Innovatsııa» taqyrybynda ótken birinshi respýblıkalyq ǵylymı-tehnıkalyq keńeste QR Indýstrııa jáne jańa tehnologııalar mınıstrliginiń ókili Álibek Qabylbaı aıtty.
«Eń iri 30 ónerkásip kásiporny búgingi tańda eldiń barlyq elektr energııasynyń 65-70 paıyzyn tutynady. Sondyqtan da energııa únemdeý salasyndaǵy ókiletti organ retinde Indýstrııa jáne jańa tehnologııalar mınıstrliginiń aldyna óenrkásip salasyndaǵy energııa tutyný kólemin tómendetý mindeti qoıylǵan. Bul baǵyttaǵy jumystar taıaý eki jyldyń ishinde jurgiziletin bolady», - dedi ol.
Onyń atap ótýinshe, energııa únemdeý jáne energııa tıimdiligin arttyrý týraly jańa zańǵa sáıkes barlyq orta jáne iri kásiporyndar energııa tutyný kólemin tómendetýge mindetti bolmaq.
«Árıne, ol úshin jańa tehnologııalar engizip, ónerkásip úderisin, tehnologııalardy, qural-jabdyqtardy jańǵyrtý ári ǵylymǵa qarjy quıý qajet», - dedi Á.Qabylbaı.
