Qazaqstan energetıkasynyń «atasy» Shapyq Shókınniń 100 jyldyq mereıtoıyna arnalǵan shyǵarmashylyq kesh ótedi

Aıtýly keshti Qazaqstan Respýblıkasynyń Mádenıet jáne aqparat mınıstrligi uıymdastyrady. Kontsertte Qazaqstannyń eńbek sińirgen qaıratkerleri Seken Turysbekov, Altynaı Jorabaeva, Azamat Jyltyrkózov, Elmıra Jańabergenova, Qazaqstannyń halyq ártisi Qaırat Baıbosynov, Ulttyq dástúrler teatrynyń folklorlyq ansambli jáne «Úkilim» bı ansambli men ánshileri Janar Shoqpanova, Bıbigúl Saýytova óner kórsetedi.

Shapyq Shoqyuly Shókın (1912-2003) - kórnekti qazaq energetıgi, Qazaq KSR Ǵylym akademııasynyń akademıgi, tehnıka ǵylymdarynyń doktory, professor, Qazaq KSR-iniń eńbek sińirgen ǵylym qaıratkeri, KSRO-nyń qurmetti energetıgi, Halyq Qaharmany.

Pavlodar oblysynyń Baıanaýyl aýdanynda dúnıege kelgen. Sh.Shókınge ǵalym-akademıkterdiń arasyndaǵy alǵashqysy bolyp Qazaqstannyń ǵylymy men energetıkasyn damytýǵa sińirgen asa zor eńbegi úshin - «Halyq Qaharmany» ataǵy berilip, aıryqsha erekshelik belgisi - «Altyn juldyz» tapsyrylǵan.

Ol 1944-1950 jyldary Іle ózeniniń sýy men energetıka qoryn keshendi túrde paıdalaný máselesin zerttep, Qapshaǵaı bógeni men Qapshaǵaı sý elektr stansasyn salý isine úlken úles qosty. 1949-1958 jyldary Ortalyq Qazaqstandy sýmen qamtamasyz etý máselesin Ertis ózenin burý negizinde sheshýge bolatyndyǵyn dáleldedi. Munyń ózi Ertis - Qaraǵandy kanalynyń salynýyna sebep boldy.