Qazaqstan energetıkasynyń 87 paıyzǵa jýyǵy kómirmen jumys isteıdi - Qorshaǵan ortany qorǵaý mınıstri
ASTANA. 11 maýsym. QazAqparat - Qazaqstan energetıkasynyń 87 paıyzǵa jýyǵy kómirmen jumys isteıdi. Búgin QR Parlament Májilisinde ótken Úkimet saǵatynda Qorshaǵan ortany qorǵaý mınıstri Nurlan Qapparov osylaı málim etti.
Ekologııalyq máseleler men olardy sheshý joldaryna qatysty baıandama jasaǵan N. Qapparov elimizdiń ekologııalyq máselelerin basty úsh topqa bólip qarastyrdy. Onyń birinshisi, áýe basseıinin lastaýshylardyń negizgisi bolyp tabylatyn, sondaı-aq parnıktik gazdar men óndiristik qaldyqtardyń qaınar kózi sanalatyn elmizdiń energetıka salasynyń qurylymyna baılanysty qalyptasqan ekologııalyq problemalar.
«Qazaqstan energetıkasynyń 87 paıyzǵa jýyǵy kómirmen jumys isteıdi. Al táýelsiz esepteýlerge qaraǵanda 2020 jylǵa deıin shyǵarylymdar generatsııasynyń jalpy kólemi ishindegi kómirdiń úlesi 66 paıyzdy quraıdy. Jalpy kómirdiń múddesi basym bolyp turǵan búgingi energııa qurylymyn bizge negizinen keńestik kezeńnen muraǵa qaldyrylǵan edi. Sondyqtan da biz aldaǵy ýaqytta energııa qurylymdy gaz ben jańartatyn energııa kózderiniń úlesin arttyrýymyz qajet», - dedi mınıstr N. Qapparov.
