Qazaqstan energetıkalyq yntymaqtastyqty keńeıtýdi kózdeıdi
BRıÝSSELЬ. QazAqparat - Brıýsselde «Eýropalyq Odaq - Ortalyq Azııa» Mınıstrlik kezdesýi aıasynda Syrtqy ister mınıstri Qaırat Ábdirahmanov Eýropalyq Energetıkalyq hartııanyń bas hatshysy Ýrban Rýsnakpen kezdesti, dep habarlaıdy QazAqparat SІM baspasóz qyzmetine silteme jasap.
Kezdesýdiń kún tártibinde Qazaqstan men Energetıkalyq Hartııa (ES) arasyndaǵy yntymaqtastyqty keńeıtýge, hartııa usynatyn quraldardy paıdalana otyryp, Qazaqstannyń energetıkalyq sektoryn damytýǵa jáne energetıka salasyn zamanaýı syn-tegeýrinderge beıimdeýdegi Eýropalyq Odaqtyń ozyq tájirıbelerimen almasýǵa baǵyttalǵan máseleler qaraldy.
Q. Ábdirahmanov energııa tasymalynyń ınfraqurylymyn damytý tetikterin qalyptastyrýǵa qatysý jáne salanyń tehnıkalyq, ekonomıkalyq, quqyqtyq jáne ekologııalyq máselelerin sheshýge baǵyttalǵan dıalogtar hartııa jumysynyń asa mańyzdy quraldary bolyp tabylatynyn jáne Qazaqstan bul quraldardyń kúsheıýine óte múddeli ekendigin atap ótti.
Máselen, 2014 jylǵy tóraǵalyǵy sheńberinde Qazaqstan energetıka salasyna ınvestıtsııalardy yntalandyrý, tranzıttik jáne saýda, daýlardy sheshý mehanızmderin jetildirý, sondaı-aq hartııany jańǵyrtý máselelerin kótergen bolatyn.
Áńgime barysynda jahandyq shıelenisterdiń ósýi jaǵdaıynda bul sharalar aıryqsha mánge ıe, sondyqtan energetıkalyq tizbektiń barlyq qatysýshylary - eksporttaýshylar men ımporttaýshylar, tasymaldaýshylar -hartııa múshelerinen resýrstar tasymalynyń qaýipsizdigin arttyrýǵa jáne saıası kelispeýshilikterden qorǵanysty qamtamasyz etýge úmittenedi.
Hartııa Bas hatshysynyń aıtýynsha, qazirgi ýaqytta Energetıkalyq Hartııa kelisimshartyn zamanaýı talaptarǵa beıimdeýge baǵyttalǵan jańǵyrtý protsesi júrgizilýde.
Energetıkalyq qaýipsizdik salasyndaǵy álemdik jahandaný máselelerin talqylaý barysynda Ý. Rýsnak Qazaqstan Prezıdenti Nursultan Nazarbaev EKSPO-2017 tujyrymdamasynda bekitken qaǵıdattardyń ózektiligi men uzaq merzimdiligin atap ótti.
Bul rette, Qazaqstan syrtqy saıası vedomstvosynyń basshysy Memleket basshysy N. Nazarbaevtyń «Tórtinshi ónerkásiptik revolıýtsııa jaǵdaıyndaǵy damýdyń jańa múmkindikteri» atty Joldaýynyń aıasynda elimizdiń otyn-energetıkalyq kesheni joǵary sapaly, básekege qabiletti ónim alý úshin joǵary ónimdilik pen shıkizatty tereń óńdeýdi qamtamasyz etetin jańa tehnologııalar men quraldardy engizýge baǵyt alǵanyn habarlady.
Sondyqtan Qazaqstan energetıkalyq sektordy reformalaý, naryqty jetildirý, energııa únemdeý tehnologııalary men balamaly energııa kózderin engizý salasyndaǵy Eýroodaqtyń ozyq tájirıbesin zerdeleý maqsatynda hartııamen yntymaqtastyqty keńeıtýge múddeli.
Bul óz kezeginde Elbasynyń Qazaqstan halqyna sońǵy Joldaýyna sáıkes, elektr energııasy jáne ózge de qyzmetterge tarıfterdiń tómendeýine yqpal etedi.
Osy rette, Qazaqstan delegatsııasy Energetıkalyq Hartııa Hatshylyǵynyń Ortalyq Azııa elderine EU4Energy baǵdarlamasynyń geografııasyn keńeıtý týraly sheshimin oń baǵalady.
Eýropalyq Odaq qarjylandyratyn EU4Energy jobasy naqty málimetterge negizdelgen energetıkalyq saıasatty damytýdy kózdeıdi. Baǵdarlama sheńberinde qatysýshy elderge dástúrli energııa kózderine táýeldilikti tómendetý jáne energııa tutynýdy azaıtý boıynsha kómek kórsetilip, tómen kómirtekti ekonomıkany engizý múmkindikteri usynylady.
