Qazaqstan «eńbek naryǵynyń tıimdiligi» faktory boıynsha 15-orynda
ASTANA. QazAqparat - Qazaqstannyń 2014 jylǵy basty pozıtsııalary «eńbek naryǵynyń tıimdiligi» faktory boıynsha 15-orynda jáne «makroekonomıkalyq orta» baǵytynda 27-orynda. Bul týraly Ortalyq kommýnıkatsııalar qyzmetindegi brıfıngte Ulttyq ekonomıka mınıstri Erbolat Dosaev málim etti.
Onyń sózine qaraǵanda, eń álsiz faktorlar retinde birneshe jyl qatarynan «qarjy naryǵynyń damyǵandyǵy» (98-oryn), «densaýlyq jáne bastaýysh bilim» (96-oryn), «kompanııalardyń básekege qabilettiligi» (91-oryn) bolyp tabylady.
«Qarjy naryǵynyń damyǵandyǵy» faktory boıynsha osal kórsetkishterine bankter senimdiligi (108 oryn), quqyqtardy qorǵaý ındeksi (96 ) enip otyr.
«Densaýlyq saqtaý salasynda álemdik kórsetkishtermen salystyrǵanda Qazaqstannyń «týberkýlezben aýyrý» (102 oryn), «týberkýlezdiń bızneske áseri» (111) jáne «ortasha ómir súrý uzaqtyǵy» (99 oryn) jaıǵasymdary álsiz bolyp otyr. Sonymen qatar, bastaýysh bilimmen qamtýdyń tómen deńgeıi saqtalýda (116)», - dedi E. Dosaev.
Esterińizge sala keteıik, keshe Úkimet aǵymdaǵy jyldyń 3 qyrkúıeginde jarııalanǵan Dúnıejúzilik ekonomıkalyq forýmnyń Jahandyq básekege qabilettilik týraly 2014-2015 esebin talqylaǵan bolatyn.
