Qazaqstan eń úlgili januıany anyqtaıdy
ASTANA. 10 shilde. QazAqparat - Qazaqstanda eń úlgili januıa anyqtalatyn bolady. Bul týraly búgin Astana-Máskeý-Kıev-Kıshenev-Erevan beınekópiri kezinde QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń tóraıymy Gúlshara Ábdihalyqova málim etti.
Onyń sózine qaraǵanda, aldaǵy ýaqytta «Mereıli otbasy» degen jańa konkýrsty uıymdastyrý josparlanǵan. «Sol kezde biz respýblıka boıynsha betke ustar úlgili januıalardy anyqtaıtyn bolamyz», - deıdi G. Ábdihalyqova.
QR Prezıdentiniń keńesshisi atap kórsetkendeı, búginde Qazaqstanda otbasy mártebesin kóterý maqsatynda san alýan nasıhat jumystary atqarylyp keledi. Al bıyl qyrkúıektiń ekinshi jeksenbisinde alǵash ret Otbasy kúni merekesi atalyp ótpek.
