Qazaqstan elshisi «Dostyq» ordenimen marapattaldy

ASTANA. KAZINFORM – Qazaqstan Respýblıkasynyń Ózbekstandaǵy Tótenshe jáne ókiletti elshisi Beıbit Atamqulov «Dostyq» ordenimen marapattaldy.

Ózbekstan Respýblıkasynyń Syrtqy ister mınıstri Bahtıer Saıdov marapatty tabystady.

«Ózbekstan Prezıdenti Shavkat Mırzıeev Qazaqstannyń Ózbekstandaǵy Tótenshe jáne ókiletti elshisi Beıbit Atamqulovty eki el arasyndaǵy ózara qurmet pen senimge, tatý kórshilik pen strategııalyq áriptestik qatynastaryn jańa deńgeıge kóterýge, saıası, áleýmettik-ekonomıkalyq, mádenı-gýmanıtarlyq yntymaqtastyqty mazmundy bastamalarmen baıytýǵa, basym baǵyttardaǵy baılanystardy keńeıtýge jáne jan-jaqty damytýǵa, birlesken jobalardy ilgeriletýge qosqan jeke úlesi, sondaı-aq elderimizdiń halyqtary arasyndaǵy kóp ǵasyrlyq dostyq pen tatýlyqty odan ári nyǵaıtý jolyndaǵy eńbekteri úshin «Dostyq» ordenimen marapattady», - delingen habarlamada.

Syrtqy ister mınıstri marapatty tabystaı turyp, Qazaqstan elshisi men onyń komandasyn shyn júrekten quttyqtaǵan.