Qazaqstan Elshiligi «Túrki tilder otbasy kúni» is-sharasyna qatysty
ASTANA. KAZINFORM — Amman qalasyndaǵy ıÝnýs Emre atyndaǵy túrik mádenı ortalyǵynda baýyrlas halyqtar arasyndaǵy mádenı baılanystar men ózara túsinistikti nyǵaıtýdyń jarqyn úlgisi bolǵan «Túrki tilder otbasy kúni» mádenı-aǵartý is-sharasy ótti.
Baǵdarlama aıasynda Qazaqstan Respýblıkasynyń Iordan Hashımıt Koroldigindegi Elshiligi qonaqjaılylyq pen ulttyq biregeıliktiń sımvoly bolyp tabylatyn dástúrli qazaq kıiz úıin, sondaı-aq Qazaqstannyń ulttyq taǵamdaryn usyndy. Qonaqtarǵa qazaq gastronomııalyq dástúriniń baılyǵy men alýan túrliligin kórsetetin taǵamdar usynyldy. Sonymen qatar, Túrkııa, Ázerbaıjan, Ózbekstan jáne Qyrǵyzstannyń aspazdyq mádenıetiniń elementteri kórsetildi. Bul is-shara qatysýshylaryna túrki áleminiń alýan dámderi men dástúrlerimen tanysýǵa múmkindik berdi.
Qonaqtardyń nazaryn Elshilik qyzmetkerleri uıymdastyrǵan qazaq halyq aspaby — dombyrada oryndalǵan mýzykalyq qoıylym, sondaı-aq qazaq mádenıetiniń sulýlyǵy men ózindik ereksheligin kórsetetin qazaq ulttyq kostıýmderiniń kórsetilimi aýdardy. Baǵdarlamanyń mańyzdy bóligi — Iordanııa ýnıversıtetiniń Shet tilderi fakýltetiniń stýdentteri daıyndaǵan túrli túrki tilderindegi dybystardy salystyra aıtý boldy. Bul túrki tilderi otbasynyń baılyǵy men biregeıligin aıqyn kórsetýge múmkindik berdi.
Іs-sharaǵa Túrkııa men Ázerbaıjan elshilikteriniń ókilderi, túrik buqaralyq aqparat quraldary men isker toptardyń ókilderi qatysty.
Eske salaıyq, túrkııalyq jazýshy Ahmet Saglam «Qazaqstan Týynyń mıfıologııalyq qyrlary: tarıhı kodtar» atty kitap jazyp shyǵardy.