Qazaqstan elshileriniń arasynda áıelder bar ma?

ASTANA. KAZINFORM – Syrtqy ister mınıstrliginiń resmı ókili Aıbek Smadııarov  Qazaqstannyń atynan sóıleıtin áıel elshiler týraly málimet berdi.

«Iá, árıne. Qazir jópeldemede aıta almaımyn. Sonshalyq kóp emes. Fınlıandııadaǵy elshimiz áıel adam. Nıý-Iorktegi bas konsýl da áıel, Frantsııada da áıel elshi bar. Olar óte belsendi jumys isteıdi», - dedi Aıbek Smadııarov vedomstvonyń baspasóz máslıhatynda.

Onyń sózinshe, dıplomattar arasynda qazaqstandyq áıelder sanaýly bolǵanymen, Syrtqy ister mınıstrliginiń qurylymynda úlesi aıtarlyqtaı.

«Biraq Syrtqy ister mınıstrliginde áıelder kóp. Ortalyq apparattyń shamamen jartysy boıjetkender men áıelder. Olar erlermen bir qatarda, tipti keıde artyq jumys isteıdi. Olar muqııat ári tyńǵylyqty», - dedi SІM resmı ókili.