Qazaqstan Elshisi Úndistan Prezıdentine senim gramotalaryn tabystady
NЬıÝ-DELI. QazAqparat – Búgin «Rashtrapatı Bhavan» Prezıdenttik saraıynda Qazaqstan Respýblıkasynyń Úndistan Respýblıkasyndaǵy Elshisi Erlan Álimbaev atalmysh eldiń basshysy Ram Nath Kovındke senim gramotalaryn tabystady, dep habarlaıdy QazAqparat.
«Іs-sharadan keıingi kezdesý barysynda Prezıdent R.Kovınd Qazaqstan ókili rásimdi hındı tilinde ótkizgeni úshin rızashylyǵyn bildirdi. Sondaı-aq dıplomatııalyq mıssııasynyń bastalýymen quttyqtaı otyryp, eki el arasynda qalyptasqan qarym-qatynastardyń senimdi sıpatyn atap ótti», - dep málim etti QR Syrtqy ister mınıstrliginen.
Elshi E.Álimbaev Úndistan Prezıdentin QR Prezıdenti Qasym-Jomart Toqaevtyń alǵashqy Joldaýynda aıtylǵan el ekonomıkasyn jańǵyrtý jáne áleýmettik salany jaqsartý boıynsha Qazaqstanda júzege asyrylyp jatqan sharalar týraly habardar etti.
Sonymen qatar, taraptar birqatar ózekti máselelerdi, sonyń ishinde saýda-ekonomıkalyq jáne ınvestıtsııalyq yntymaqtastyq, mádenı-gýmanıtarlyq yqpaldastyq jóninde pikir almasty.
