Qazaqstan elshisi Túrikmenstan Prezıdentine senim gramotasyn tabystady

AShHABAD. QazAqparat -  1 tamyz kúni Oǵýzhan saraıynda Qazaqstannyń Túrikmenstandaǵy tótenshe jáne ókiletti elshisi Jandos Asanov Túrikmenstan Prezıdenti Gýrbangýly Berdimuhamedovke senim gramotasyn tapsyrdy, dep habarlaıdy QazAqparat QR SІM baspasóz qyzmetine silteme jasap.  

Túrikmenstan Basshysy Qazaqstan Prezıdenti Nursultan Nazarbaevqa yqylasqa toly sálemin aıtyp, Elbasynyń eki el arasyndaǵy, sondaı-aq aımaq elderi arasyndaǵy baılanystardyń órkendeýine qosyp jatqan úlesin joǵary baǵalady.

Jandos Asanov Túrikmenstan Prezıdentin Elshilik eki el jetekshileriniń kópǵasyrlyq ekijaqty dostyq ári baýyrmal qatynastardy odan ári óristetip, keńeıtý jónindegi tapsyrmalaryn oryndaý úshin aıanbaı kúsh salatynyna sendirdi.