Qazaqstan Elshisi Tájikstannyń Prezıdentine senim gramotalaryn tabys etti

ASTANA. QazAqparat - 2016 jylǵy 19 shildede Qazaqstan Respýblıkasynyń Tájikstan Respýblıkasyndaǵy Elshisi Nurlan Seıtimov Tájikstan Respýblıkasynyń Prezıdenti Emomalı Rahmonǵa senim gramotalaryn tabys etti. Bul týraly QR SІM baspasóz qyzmeti habarlady.

Rásimnen keıin ótken kezdesýde Qazaqstan men Tájikstannyń ekijaqty qarym-qatynastarynyń jaı-kúıi men keleshegi talqylandy.

E. Rahmon Qazaqstanmen qarym-qatynastardy odan ári ilgeriletýge jáne damytýǵa Tájikstan zor mańyz beretinin atap ótti. Tájikstan men Qazaqstan arasyndaǵy joǵary deńgeıdegi ekijaqty jáne kópjaqty qarym-qatynastar Tájikstannyń táýelsizdik jyldaryndaǵy qundy jetistikterdiń biri bolyp otyr.

Suhbat sońynda N. Seıtimov Tájikstannyń Prezıdentine kezdeskeni úshin alǵysyn bildirip, eki jaqty qarym-qatynastaryn nyǵaıtýǵa jáne tereńdetýge bar kúsh-jiger salatynyn rastady.