Qazaqstan Elshisi tájik mınıstrin elordada ótetin halyqaralyq forýmǵa shaqyrdy

ASTANA. QazAqparat - Qazaqstannyń Tájikstandaǵy Elshisi Nurlan Seıtimov atalǵan eldiń Energetıka jáne sý resýrstary mınıstri Ýsmonalı Ýsmonzodamen kezdesti, dep habarlaıdy QazAqparat.

Qazaqstan Elshiligi baspasóz qyzmetiniń aqparatyna sáıkes, kezdesý barysynda Tájikstan men Qazaqstannyń sý-energetıka salasyndaǵy ekijaqty jáne kópjaqty yqpaldastyqtyǵynyń ózekti máseleleri talqylandy.

«Qazaqstan Elshisi suhbattasyna 2017 jylǵy 11-14 maýsymda Astana qalasynda ótetin Turaqty damý energetıkasy jónindegi 8-shi halyqaralyq forýmyna qatysý úshin Qazaqstan Respýblıkasynyń Energetıka mınıstri Q.Bozymbaevtyń shaqyrýyn tabys etti. Nurlan Seıtimov atalǵan is-sharany «Bolashaq energııasy» EKSPO-2017 Halyqaralyq mamandandyrylǵan kórmesi aıasynda QR Úkimeti  BUU aımaqtyq komıssııalarymen jáne ózge de halyqaralyq uıymdarmen birlesip ótkizetindigin habardar etti», - delingen aqparatta.

Suhbat sońynda qazaqstandyq dıplomat Ýsmonalı Ýsmonzodaǵa kezdesý úshin alǵysyn bildirip, Qazaqstan-Tájikstan qarym-qatynastaryn strategııalyq áriptestik rýhynda nyǵaıtý isindegi jemisti yntymaqtastyqqa daıyndyǵyn jetkizdi.